لە
زاری میدیاکانی عێراق و قەتەرەوە ئاماژە بەوەکراوە, کە ئەیمەن حوسێنی عێراقی و
ئەستێرەی یانەی قوەجەوییە روویکردۆتە یانەی خوری قەتەڕی , لە بڵاوکراوەیەکیدا
رۆژنامەی احداسی قەتەری ئاشکرای کردووە , بەگرێبەستی نادیار ئەیمەنی ٢٨ ساڵان
پەیوەندی بەیانەی خوری قەتەریەوە کردووە و بریاریش وایە لەماوەی چەند رۆژی داهاتوودا
لە یاریگای خوری نێودەولەتی بە هاندەران و میدیاکانی وڵاتی قەتەڕ ئاشنابکرێت, لە
درێژەی باسەکەدا ئاماژە بەوەکراوە کە ئەیمەن خواستی لە رۆیشتن و جێهێشتنی ریزەکانی
یانەی قوەجەوییە بووە و بەهۆی موچەکەیەوە هەستی بە بێزاری کردووە, هەربۆیە
راستەوخۆ گرێبەستی یانەی خوری قەتەری واژووکردووە , کە راگەیاندنە رەسمیەکەی
پێدەچێت لەماوەی چەند سەعاتی داهاتوودا لە میدیای رەسمی یانەی خوریەوە هەواڵی
گواستنەوەی ئەیمەن حوسێن بڵاوبکرێتەوە و هێرشبەرە کەرکوکیەکە وەکوو ئەستێرەی نوێی
خولی قەتەری بناسێندرێت
*************
Copyright © 2020 Kirkuk Tv All Rights Reserved Designed And Developed By AVESTA GROUP