گەنجێکی ٢٠ ساڵان لە بەنداوی خاسە خنکا

ئێوارەی ئەمڕۆ، لە بەنداوی خاسە گەنجێک بەناوی فەرهاد فەرمان کە تەمەنی ٢٠ ساڵانە، لە کاتی مەلەکردندا خنکا .
بەپێی وتەی شایتحاڵەکان، ئەو گەنجە ویستویەتی خۆی بگەیەنێتە یەکێک لەو دورگە بچوکانەی لە نێو بەنداوەکەدا بوونی هەیە، لەو کاتەدا نەیتوانیوە خۆی بگەیەنێتە ئەو شوێنە و بەهۆیەوە خنکاوە .
هەر بەپێی زانیارییەکان، هاوڕێکانی ئەو گەنجە هەوڵی خۆیان داوە فریای بکەونن یاخود کەرەستەی فریاگوزاری پێبگەیەنن، بەڵام نەیانتوانیوە و بە هۆیەوە ژێر ئاوەکە کەوتووە و گیانی لەدەستداوە .
هاوکات، تیمەکانی پۆلیسی رووبارەوانی گەیشتنە شوێنی مەبەست و توانیان دوای ماوەیەکی کەمن تەرمەکە بدۆزنەوە و دەریبهێننەوە و تەرمەکەش رادەستی بنکەی پۆلیسی قەرەهەنجیر کرا .