باڵیۆزخانەی ئەمریکا لە سووریا، نیگەرانی خۆی
بەرامبەر بە هەوڵی بەڕێوەچوونی هەڵبژاردنی شارەوانییەکان لە رۆژئاوای کوردستان
دەربڕی و دەڵێن، زەمینە بۆ ئەو هەڵبژاردنە لەبار نییە.
لە راگەیەندراوێکدا لە تۆری 'ئیکس'، باڵیۆزخانەی
ئەمریکا لە سووریا بە ناوی ئیسان گۆتریچ، جێگری راوێژکاری وەزیری دەرەوەی ئەمریکا،
لە نوسینگەی کاروباری رۆژهەڵاتی ناوەڕاست و تایبەتمەند لە کاروباری سووریا
بڵاویکردوەتەوە، کە " ئێستا قسەکردن لەسەر هەڵبژاردن لە باکووری رۆژهەڵاتی
سووریا نیگەرانمان دەکات".
ئەوەشی خستوەتەڕوو، پێیانوایە هەلومەرج لەبار
نییە بۆ هەڵبژاردنیکی ئازاد و پاک و هەمەلایەن.
بڕیاربوو رۆژی 11ـی حوزەیرانی ئەمساڵ، بەڕێوبەری
خۆسەریی رۆژئاوای کوردستان هەڵبژاردنی شارەوانییەکان لە ناوچەکانی ژێردەسەڵاتی خۆی
بەڕێوەببات، بەڵام لە سەرەتای مانگی رابردوودا کۆمسیۆنی هەڵبژاردنەکانی خۆسەریی
بڕیاریدا هەڵبژاردنەکان بخرێتە مانگی ئابەوە و راشیانگەیاند کە ئەم دواخستنە لەسەر
داوای پارتە سیاسییەکانی رۆژئاوای کوردستان بووە.
پێشتریش، ئەردۆغان، سەرۆککۆماری تورکیا نیگەرانی
بەرامبەر بە هەوڵی بەڕێوەبردنی هەڵبژاردن دەربڕی بوو و بە هەڕەشەی بۆ سەر ئاسایشی
نەتەوەیی وڵاتەکەی لێکیدایەوە.
Copyright © 2020 Kirkuk Tv All Rights Reserved Designed And Developed By AVESTA GROUP