وەزارەتی پلاندانانی عیراق: رێژەی بێکاری بۆ 21.5% دابەزیوە

عەبدولزەهرا هنداوی، وتەبێژی وەزارەتی پلاندانانی عیراق رایگەیاند، وەزارەتەکەیان پلانێکی بەناوی پلانی پێنج ساڵە داناوە و دەیانەوێت لە رێگەیەوە هەژاری کەمبکەنەوە.
وتیشی: بەهۆی رێوشوێنەکانی وەزارەتی پلاندانان لەماوەی رابردوودا ژمارەیەک پرۆژە جێبەجێکراون کە بوونەتە هۆی رەخساندنی هەلی کار و دابینکردنی خزمەتگوزارییەکان، ئەوەش بووەهۆی دابەزینی رێژەی بێکاریی بۆ 21.5%".
ئاماژەى بەوەشکرد: ساڵی 2022 رێژەی بێکاری لە عیراق گەیشتبووە 16.5% و هۆکاری کەمبوونەوەی ئەو رێژەیەش رەخساندنی هەلی کار بووە بۆ گەنجان.
بەگوێرەی ناوەندی ستراتیجی بۆ مافی مرۆڤ، رێژەی هەژاریی لە عیراق لە بەرزبوونەوەدایە و ئێستا 25%ـی هاوڵاتییانی عیراق، لە خوار هێڵی هەژارییەوەن، بەگوێرەی سەرژمێریی رێکخراوی خۆراکی جیهانییش، دوو ملیۆن و 400 هەزار کەس لە عیراق پێویستی زۆریان بە خۆراکە.