سوپاى تورکیا کوێستانەکانى دەڤەرى برادۆست بۆردوومان دەکات و برینداری لێدەکەوێتەوە

لەبۆردوومانێکى سوپاى تورکیا دووکەس لەکوێستانەکانى لۆلان لەدەڤەرى برادۆست برینداربوون بەگوێرەى زانیارییە سەرەتاییەکانیش هەردوو بریندارەکە شوانکارەن.

تیمى کوردستانى رێکخراوى CPTـی ئەمریکى، لەدوایین راپۆرتیدا ئاماژەى بەوەکردووە، سوپاى تورکیا لەناوەڕاستى مانگى حوزەیرانەوە ئۆپراسیۆنى سەربازیى فراوانى بۆ ناوچەکانى دەڤەرى بەرواریى بــاڵا دەستپێکردووەو لەسەرەتاى ئەمساڵەوە تاوەکو کۆتایی مانگى حوزەیران هەزار و 76 هێرش و بۆردوومانى ئەنجامداوەو هەشت هاوڵاتی گیانیانلەدەستداوە.