ئەنچیلۆتی: لەوەرزی نوێ جیاوازتر دەردەکەوین

کارلۆ ئەنچیلۆتی راھێنەری یانەی ریاڵ مەدرید بۆ ئامادەکاریەکانی وەرزی نوێ ڕوویکردە میدیاکانی ئیسپانیا بەم جۆرە لێدوانی خۆی خستەڕوو 

ئەنچیلۆتی: بێگومان ئێمە لەوەرزی رابردوو ھەموو شتێکمان بەدەستھێنا و چێژی ئەو وەرزەش لەڕۆحماندا ماوە.. ھەموو ھەوڵێکیش دەدەین بۆ وەرزی نوێ باشترین ئاست پێشکەش بکەین و بتوانین سیناریۆی وەرزی رابردوو دووبارە بکەینەوە , وەرزی نوێ جیاوازتر دەبێت بۆ ریاڵ مەدرید ئێمە خاوەنی کیلیان ئێمباپێ و ئیندریکین بۆ رکابەریەکانی لالیگا و چامپیۆنس لیگ و جامی شا , ھەرچەندە جێگای داخە کە لەتواناکانی ناچۆ و خۆسیلۆ و تۆنی کروس بێبەشین بەڵام ئەوان لەپێناو قەڵای شاھانە ھەموو شتێکیان کرد و رابردوویان بەرز دەنرخێنین.. بێگومانیشم لەوەی شوێنی ئەوان بەئاسانی پڕناکرێتەوە بەڵام یانەی ریاڵ مەدرید لەسەر ھیچ یاریزانێک ناوەستێت و پابەندی یەک جۆر بیرکردنەوەش نیە , ئێمە بۆ ھەر ساڵێکی تازە خاوەنی کۆمەڵێک پلان و تەکنیکی ناوازەین کە وادەکات پاڵەوانانە کاربکەین و نازناوەکان دەستەبەر بکەین.. لە وەرزی ئایندەشدا رۆدریگۆ و ڤینی لە مێرانگی دەمێننەوە و رۆدریگۆ دەگەڕێتەوە ناوچەی یاریکردنی سەرەکی خۆی کە باڵی ڕاستی یاریگایە و کیلیان ئێمباپێش لەڕمی ھێرشبەری یاریدەکات و ڤینیش ئەرکی باڵی چەپی یاریگا لەئەستۆ دەگرێت ,  ئەگەریش ھەیە بەرگریکارێکی نوێ بگوازینەوە ڕیزەکانمان.. بەھیوامان وەرزێکی بەچێژ و پڕنازناو بێت لەگەڵ کوڕانی شاھانە دڵنیاشم لەوەی کیلیان مباپێ مێژوو دەنووسێتەوە و ئیندریکیش کاتی زۆری پێدەدرێت تاکوو جێگای خۆی لە پێکھاتەی یەکەمدا بکاتەوە.. بەھیوای سەرکەوتن بۆ ریال مەدرید