دەزگای ئاسایشی هەرێم لە راگەیەندراوێکدا کە
وێنەیەکی بۆ کەناڵی کەرکوک نێردراوە رایدەگەیەنێت: بەڕێوەبەرایەتی نەهێشتنی ماددە
هۆشبەرەکانی دەزگای ئاسایشی هەرێم، لەسەربنەمای زانیاری پێشوەخت، پاش بەدواداچوون
و چاودێری وورد لە ڕۆژی ٢٠٢٤/٧/٢٠ توانیان دەستبگرن بەسەر (چوار) تابلۆ کە ماددەی
هۆشبەری تێدا شاردرابونەوە، لەدەرەوە هەرێمی کوردستان هێنرابویە پارێزگای سلێمانی
و تۆمەتباران بەنیازی گواستنەوەی بوون بۆ دەرەوەی ووڵات، بەڵام بەهەوڵی هێزەکانی
ئاسایش و لەسەر فەرمانی دادوەری لێکۆڵینەوە توانرا بڕی زیاتر لە( ٢ )کیلۆگرام
ماددە کریستاڵ دەستی بەسەردابگیرێت و تۆمەتبارێکیش دەستگیربکرێت.
هەر لە راگەیەندراوەکەدا دەزگای ئاسایشی هەرێم
دڵنیایی دەداتە هاوڵاتیان و ئاماژە بەوەدەکات: لەپێناو کۆمەڵگەیەکی تەندروست لەهەوڵەکانیان
بەردەوامن بۆ دەستگیرکردنی بازرگانانی ماددەی هۆشبەر و بەچاوکراوەیەیی و لێهاتوویی
کارمەندانی ئاسایش ڕێگری دەکەن لە بەکارهێنانی هەر تەکنیکێکی نوێ بۆ شاردنەوەو
بازرگانیکردن بەو ماددانە.
ئەوەش ئاشکراکراوە: لەئێستادا
تۆمەتبار بە ماددەی (٢٦)لەیاسای
بەرەنگاربوونەوەی ماددە هۆشبەرەکان و کارتێکەرە ئەقڵیەکان ڕاگیراوەو لێکۆڵینەوە
لەدۆسیەکەی بەردەوامە.
Copyright © 2020 Kirkuk Tv All Rights Reserved Designed And Developed By AVESTA GROUP