وەزارەتی دەرەوەی ئەمریکا رایگەیاند: جەخت لە
جێبەجێکردنی ڕێککەوتننامەی شنگال دەکەنەوە و داوا لە هەردوو
حکومەتی عێراق و هەرێمـیش دەکەن لەپێناو سەقامگیری و بونیادنانەوەی ناوچەکە ئەو
رێککەوتننامەیە جێبەجێبکەن.
ماتیۆ میلەر، وتەبێژی وەزارەتی دەرەوەی ئەمریکا
لە کۆنگرەیەکی رۆژنامەوانیدا رایگەیاند: ئەو ڕێککەوتننامەیە دەستپێکێکی گرنگە بۆ
بە ئاگابوون لەو کەسانەی بونەتە قوربانی جینۆسایدی ساڵی 2014.
ئاماژەی بەوەشکردووە: رێککەوتننامەکە تا ئێستا
وەك خۆی ماوەتەوە و جێبەجێ نەکراوە، هەربۆیە جەخت لە پێویستی جێبەجێکردنی دەکەنەوە.
باسی لەوەشکردوە: داوا لە هەردوو حکومەتی عێراق و
هەرێمی کوردستان دەکەن ڕێککەوتننامەی شەنگال جێبەجێ بکەن چونکە ئەو ڕێککەوتنە
سەقامگیری و بونیادنانەوەی ناوچەکە زامن دەکات.
داواش دەکات ئاسایش و سەقامگیری شنگال بە پۆلیسی
فیدڕاڵی و هێزە عێراقییەکان بسپێردرێت بەتایبەت ئەو کەسانەی خەڵکی شنگالن وەك چۆن
لە ناوەڕۆکی ڕێککەوتننەکەدا هاتوە.
Copyright © 2020 Kirkuk Tv All Rights Reserved Designed And Developed By AVESTA GROUP