دیوانی چاودێری دارایی عیراق وردبینی لە مووچەو داھاتی نەوتی و نانەوتی ھەرێم تەواوکرد

عەمار سوبحی سەرۆکی دیوانی چاودێری دارایی عیراق رایگەیاند: سەرجەم ئەو ئەرکانەی پێی سپێردرابوو بۆ وردبینکردن لەلیستی مووچەی فەرمانبەران و داھاتی نەوتی و نانەوتی ھەرێم تەواو کراوە، ڕاپۆڕتێکیشیان لەسەر ئەنجامی وردبینییەکان رادەستی نوسینگەی سەرۆک وەزیرانی عیراق و لایەنە پەیوەندیدارەکان کردووە .

ئەوەشیخستەڕوو: دیوانی چاودێری دارایی سەرجەم ئەو کێشانەی چارەسەرکردووە، کە بەربەستبوون لەبەردەم وردبینکردنی لیستی مووچەی فەرمانبەران و لایەنە پەیوەندیدارەکانی لە ئەنجامەکەی ئاگادارکردوەتەوە.

ئاماژەی بەوەشکرد: بەشێک لەزانیاریی فەرمانگەکانی دەوڵەت ھێشتا بەوردی نەگەیشتوونەتە دیوانی چاودێری عیراق بۆ ئەوەی بگەن بەئەنجامێکی ورد کە لایەنە پەیوەندیدارەکان بتوانن پشتی پێ ببەستن.