چەند تۆمەتبارێکی دیکەی دزیی سەدە دەستگیرکران

حەیدەر حەنون سەرۆکی دەستەی دەستپاکی عێراق رایگەیاند، قاسم محەمەد و عەلی عەبدولمەهدی کە هەردووکیان بەڕێوەبەری رێگەپێدراوی کۆمپانیای "حوت الاحدب" بوون دەستگیرکراون.

باسیلەوەشکرد: قاسم محەمەد لە ماوەی رابردوودا چووەتە تورکیا و دواتر گەڕاوەتەوەو دەستگیرکراوە، تۆمەتبارە بە دزینی ٩٨٨ ملیار دینار و عەلی عەبدولمەهدیش تۆمەتبارە بە دزینی زیاتر لە دوو ترلیۆن دینار.

ئەوەشیخستەروو: تۆمەتبارێکی دیکەشیان بەناوی محەمەد فەلاح دەستگیرکردووە تۆمەتبارە بە دزینی زیاتر لە یەک ترلیۆن دیناری عێراقی.
ئاماژەی بەوەشکرد: تۆمەتبارێکی دیکە کە تۆمەتبارە بەدزینی چەکی باج لە وڵاتی ئیمارات دەستگیرکراوە.

وتیشی: تۆمەتبارێکی دیکە بەناوی عەلا خەلەف هەڵهاتووە بۆ تورکیا یان لوبنان تۆمەتبارە بە دزینی ٨٩٠ملیار دینار.

ئەوەشی خستەروو: دوو تۆمەتباری دیکە کە یەکێک لە باوانیان عێراقییە لە وڵاتی کوەیت دەستبەسەرن و تۆمەتبارن بە دزینی ١٢٤ ملیۆن دۆلار و پارەکە دەگەڕێننەوە بۆ عێراق.