سودانی گه‌شتپێكی بۆ وڵاتانی میسڕ و تونس ده‌ستپێكرد

محه‌مه‌د شیاع سودانی سه‌رۆك وه‌زیرانی عێراق به‌یانی ئه‌مڕۆ گه‌شتپێكی بۆ وڵاتانی میسڕ و تونس ده‌ستپێكرد و بڕیاره‌ ژماره‌یه‌ك دیدار و كۆبونه‌وه‌ له‌گه‌ڵ به‌رپرسانی باڵای ئه‌و دو وڵاته‌ ئه‌نجامبدات.
له‌ڕاگه‌یه‌ندراوێكدا نوسینگه‌ی راگه‌یاندنی سه‌رۆك وه‌زیران، به‌بێ ئه‌وه‌ی ئاماژه‌ به‌ ورده‌كاری سه‌ردانه‌كه‌ی سودانی بۆ میسڕ و تونس بكات ئاماژه‌ی به‌وه‌كردوه‌، به‌یانی ئه‌مڕۆ به‌سه‌ردانێكی ‌رەسمی محه‌مه‌د شیاع سودانی به‌ره‌و میسڕ و تونس به‌ڕێكه‌وت .
به‌گوێره‌ی زانیاریه‌كان، بڕیاره‌ سه‌رۆك وه‌زیرانی عێراق له‌سه‌ردانه‌كه‌یدا بۆ میسڕ و تونس له‌گه‌ڵ سه‌رۆك كۆمار و سه‌رۆك وه‌زیران و ژماره‌یه‌ك له‌ به‌رپرسانی باڵای دیكه‌ی ئه‌و دو وڵاته‌ كۆببێته‌وه ‌.