د. بڕیار رەشید: سامانە سروشتییەكان گرفتی بۆ وەزارەتی نەوتی عیراق لەگەڵ ئۆپیك دروستكردووە

ئەندامێکی ئەنجوومەنی نوێنەرانی عێراق رایگەیاند: هەرێمی کوردستان رۆژانە 286 هەزار بەرمیل نەوت هەناردە دەکات، ئەوەش کاریگەری لەسەر بازاڕی نەوت دروستکردووە .
د. بڕیار رەشید، ئەندامی ئەنجوومەنی نوێنەرانی عێراق رایگەیاند: بەرهەمهێنانی نەوتی زیادەی هەرێمی کوردستان کێشەی بۆ رێکخراوی ئۆپێک و عێراق دروستکردووە.
وتیشی: حکومەتی هەرێمی کوردستان پێچەوانەی ئەو رێککەوتنەی لەگەڵ عێراق هەیەتی بۆ بەرهەمهێنانی نەوت، لە بری 46 هەزار بەرمیل نەوتی رۆژانە 286 هەزار بەمیل نەوت بەرهەمدەهێنێت و هەناردەی دەرەوەی دەکات، ئەوەش کاریگەری لەسەر بازاڕی نەوت دروستکردووە و باڵانسی وڵاتانی ئۆپێکی تێکداوە.
د. بڕیار رەشید ئاماژەی بەوەشکرد: وەزارەتی نەوتی عێراق، وەزارەتی سامانە سروشتییەکانی ئاگادارکردووەتەوە کە بەرهەمهێنانی نەوتی زیادە راگرن و چاوەڕێی ئەنجامەکان دەکەن .
جەختی لەوەشکردەوە: کە ئەو بابەتە کاریگەریی نەرێنی لەسەر مووچەی فەرمانبەرانیش دروستکردووە.