پارێزگاری كه‌ركوك پێشوازی لە وەفدێکی یەکێتی مامۆستایانی کوردستان دەکات

وەفدێکی یەکێتی مامۆستایانی کوردستان، سەردانی رێبوار تەها پارێزگای کەرکوکیان کرد، وێڕای پیرۆزبایی لە دەستبەکاربوونی پارێزگاری نوێی کەرکوک، چارەنووسی موچەی مامۆستایان و فەرمانبەرانی هەرێم لە کەرکوک تەوەری سەرەکی کۆبوونەوەکە بوو.

لە کۆبونەوەکەدا مامۆستایانی خوێندنی کوردی داوایان لە پارێزگاری کەرکوک کرد کاربکات بۆ گواستنەوەی میلاکی مامۆستایانی خوێندنی کوردی لە هەرێمی کوردستانەوە بۆسەر حکومەتی ناوەند.

ئەمەش، لەکاتێکدایە زیاتر لە 7هەزار مامۆستا و فەرمانبەرانی خوێندنی کوردی لە کەرکوک میلاکیان لەسەر هەرێمی کوردستانە، لەلایەن وەزارەتی دارایی عێراقەوە کێشە بۆ ناردنی مووچەکانیان دروستبووە.