له‌ كه‌ركوك داوای هەڵوەشاندنەوەی بڕیارەکانی مەجلیس قیاده‌ی سه‌وره‌ی به‌عس دەکرێت

جوتیارانی كورد و توركمانی سنووری كه‌ركوك، دژی رێگرییەکانی بەردەم هەڵوەشاندنەوەی بڕیارەکانی مەجیلس قیاده‌ی سه‌وره‌ی حزبی به‌عس هه‌ڵوه‌شاوه‌، گردبوونەوەو داواکاربوون پەرلەمانی عیراق سەرجەم  بڕیاره‌كانی ئه‌و مه‌جلیسه‌ هەڵبوەشێنێتەوە.

بەپێی ئەو بڕیارانە، 300 هه‌زار دۆنم زه‌وی کشتوکاڵیی لە داقوق و له‌یلان و یایچی و تۆپزاوا و بەشیر و تڕكەلان و چه‌ند شوێنێكی دیكه‌ له‌ كورد و توركمان وه‌رگیراونەته‌وه‌و دراون به‌عه‌ره‌بی هاوردە, ئێستاش هه‌وڵێك هه‌یه‌ بۆ هه‌ڵوه‌شاندنه‌وه‌ی ئه‌و بڕیارانه،‌ به‌ڵام ڕێگریی لێده‌كرێت.