سبەینێ سەرۆک کۆماری ئێران سەردانی عیراق دەکات

نازم دەباغ نوێنەری حکومەتی هەرێمی کوردستان لەئێران، سەبارەت بە سەردانەکەی مەسعوود پزشکیان سەرۆک کۆماری ئێران بۆ عێراق رایگەیاند، هەفتەی ڕابردوو لەلایەن بەڕێوەبەرایەتی گشتی کەنداوی فارسی وەزارەتی کاروباری دەرەوەی ئێران ئاگادارکراونەتەوە کە سەرۆکی کۆماری ئیسلامی ئێران رۆژی چوارشەممە واتە سبەینێ، سەردانی عێراق دەکات.
سەردانەکە لەسەر بانگهێشتی رەسمی محەمەد شیاع سودانی سەرۆک وەزیرانی عێراقە .
نازم دەباغ ڕاشیگەیاند، لەم سەردانەیدا، پزشکیان لەگەڵ بەرپرسانی باڵای عیراق لە بەغدا کۆدەبێتەوە و گفتوگۆ دەکات و چەند بەڵگەنامەیەکی هاوکاری ئیمزا دەکات.
وابڕیاریشە سەرۆک کۆماری ئێران، سەردانی هەرێمی کوردستانیش بکات و لەگەڵ هەندێک بەرپرسی باڵای هەرێم کۆببێتەوە.
ئەگەر سەردانی هەرێمی کوردستان، بکات، دەبێتە یەکەمین سەرۆک کۆماری ئێران کە بە رەسمی سەردانی هەرێم بکات .