سەرۆكی رەوتی حیكمە: پشتیوانی بە پارێزگابوونی هەڵەبجە دەكەین

عەممار حەكیم سەرۆكی ڕەوتی حیكمە لەمیانی پێشوازی و كۆبوونەوەی لەگەڵ وەفدێكی ئەنجومەنی پشتیوانیی هەڵەبجە، تاوانی جینۆسایدو كیمیابارانی هەڵەبجەی وەبیرهێنایەوەو بەگوێرەی راگەیەندراوێكی نوسینگەی ناوبراو، سەید عەممار حەكیم بەوردیی گوێی لە داواو تێبینی وەفدەكەی هەڵەبجە گرتووەو رایگەیاندووە: ئەو كارەساتەی بەسەر ئەو شارەدا هات، كە منداڵ و ژن و دانیشتوانی هەڵەبجە لەلایەن رژێمی پێشووەوە بە چەكی كیمیایی بۆردومانكران" هاوكات داوایكرد ئەو تاوانە بە دۆكیۆمێنت بكرێت و بخرێنە نێو پڕۆگرامەكانی پەروەردە و خوێندنەوە تاوەكو نەوەكانمان پێی ئاشنــابن.
وتیشی: گۆڕینی شارەكە بۆ پارێزگا گرنگیی خۆی هەیەو داوایكرد ئەنجوومەنی نوێنەران لەبەرامبەر ئەم شایستەیەدا بەرپرسیارێتی خۆی جێبەجێ بكات.