نرخی نەوت لە بەرزبوونەوەدایە

نرخی هەریەک لە نەوتی خاوی برێنت و تەکساسی ئەمەریکی بەراود بە دوێنێ بەرزبووەوە. 

ئەمڕۆ هەینی له بازاڕەکانی جیهاندا، نرخی بەرمیلێک نەوتی خاوی برێنت بە  (74) دۆلار و (65)سەنت مامەڵەی پێوەدەکرێت بەراورد بە دوێنێ نرخەکەی 87 سەنت بەرزبوەتەوە.

نەوتی تەکساسی ئەمەریکیش بەراورد بە دوێنێ نرخەکەی 89 سەنت بەرزبووەوە و بە (71) دۆلار (80) سەنت مامەڵەی پێوەدەکرێت.

هەر ئەمڕۆ نرخی زێڕ له‌ ئاستێكی به‌رزی پێوانه‌یی نزیك بوه‌وه‌ و به‌ره‌و به‌ده‌ستهێنانی قازانجی هه‌فتانه‌، ئەمەش دوای دابه‌زاندنی به‌رچاوی ڕێژه‌ی سودی ئه‌مریكا.

به‌گوێره‌ی بۆرسه‌ی كانزاكان، نرخی زێڕ له‌ مامه‌ڵه‌ خێراكاندا به‌ڕێژه‌ی 0.2% به‌رزبوه‌ته‌وه‌ و نرخی هەر ئۆنسەیەکی گه‌یشتوه‌ته 2 هەزار و 592 دۆلار و 17 . هه‌روه‌ها له‌ سه‌ره‌تای ئه‌م هه‌فته‌یه‌وه‌ نزیكه‌ی 0.6% به‌رزبوه‌ته‌وه‌.