رفعەت عەبدوڵا: بەدەنگی خەڵك كۆتایی بەم حكومەتە خۆسەپێنە دەهێنین

پێش نیوەڕۆی ئەمڕۆ 2024/10/09 رفعەت عەبدوڵا ئەندامی مەكتەبی سیاسی و سەرپەرشتیاری بازنەكانی بانگەشەی هەڵبژاردن لەهۆڵی شەهید ئارام لەمەڵبەندی سلێمانی و بە ئامادەبوونی  زیاد جەبار ئەندامی سەركردایەتی و دكتۆر میران محەمەد كاندیدی ژمارە 1 و سەرۆكی لیستی 129 ی.ن.ك لەسلێمانی و ژمارەیەك لەهەڤاڵان لەگەڵ بەرێوبەرو كارمەندانی فرۆكەخانەی سلێمانی كۆبوەوە، سەرەتای كۆبوونەوەكە بەچەند ساتێكی ماتەمینی دەستیپێكرد، دواتر رفعەت عەبدوڵا لەوتەیەكدا ڕایگەیاند یەكێتی بەگرنگیەوە لەكارەكانی فڕۆكەخانەی نێودەوڵەتی سلێمانی دەڕوانێت، سەرباری ئەو هەموو ئابڵوقانەی لەسەریانە دڵسۆزانە كارەكانی خۆیان بۆ خزمەتی گەشتیاران بەڕێوەدەبەن.
دواتر سەرپەرشتیاری بانگەشەی هەڵبژاردن لەسلێمانی باسی لەگرنگی هەڵبژاردنی كوردستان كرد و رایگەیاند ئەم هەڵبژاردنە جیاوازە لەهەڵبژاردنەكانی ڕابردوو چونكە ئەم جارە بەهەوڵەكانی سەرۆك بافڵ و یەكێتی لەهەڵبژاردنەكەدا پارتی ناتوانێت ساختەكاری لەدەنگدان بكات و تۆماری دەنگدەران لەناوی مردووەكان و ئەوانەی بەپارە لەشوێنی ترەوە دەهێندران پاككراوەتەوە، ئەوەی لەهەمووی گرنگترە، ئەمجارە هەڵبژاردن یانزە بەهیچ بۆ پارتی نابێت، لەبەشێكی تری وتەكانیدا رفعەت عەبدوڵا باسی لەبەرنامەی یەكێتی بۆ هەڵبژاردن كرد و راگەیاند بۆ ئەم هەڵبژاردنە یەكێتی زۆر بە ووردی ئامادەكاری كردووە و بەپلان و بەرنامەیەكی داڕێژراو، باسی لەوەشكرد ئێستا كۆمەڵانی خەڵك دڵنیابوون كەتەنها یەكێتی دەتوانێت ببێتە فریاد رەسیان و ئە وئومێدەی هەیانە تەنها یەكێتییە بتوانێت كۆتایی بەم شێوازی حكومڕانیە بهێنێت، تەئكیدیشیكردەوە دڵنیاین ئەم جارە بەدەنگی خەڵك كۆتایی بەحكومەتی خۆسەپێن دەهێنین و ڕێڕەوی حكومڕانی لەكوردستان ڕاست دەكەینەوە.
لەبەشێكی تری كۆبوونەوەكەدا رفعەت عەبدوڵا داوایلێكردن هەموو توانایان بخەنەكار بۆ سەرخستنی لیستی ١٢٩ی یەكێتی، هەرلەكۆبونەوەكەدا هەریەك لەزیاد جەبار و دكتۆر میران محەمەد تەئكیدیان لەوەكردەوە كە ئێستا یەكێتی بەیەك تیم و بەیەك دەنگ، بەسەرۆكایەتی سەرۆك بافڵ دەخوازێت سەركەوتنی گەورە بەدەستبهێنێت.
لەبەرامبەردا بەڕێوبەر و كادر و كارمەندانی فڕۆكەخانە بەڵینیاندا هەموو پشتیوانیەكی لیستی ١٢٩بكەن تاسەركەوتنی گەورە بەدەستبهێنێت