والی عێراق و هەشت سەركردەی دیكەی رێكخراوی تیرۆرستی داعش لە ئۆپراسیۆنێكدا لەزنجیرە چیای حەمرین كوژران.
محەمەد شیاع سودانی سەرۆك وەزیرانی عێراق لەڕاگەیەندراوێكدا لەتۆڕی كۆمەڵایەتی X كوژرانی "والی عێراق" و هەشت گەورە سەركردەی دیكەی رێكخراوی تیرۆریستیی داعشی لەزنجیرە چیای حەمرین، لەباشوری كەركوك راگەیاند.
سەرۆك وەزیرانی عێراق ئاماژەی بۆئەوەشكردووە: "ئەو بەرپرسانەی داعش لەنێو حەشارگەیەكی زنجیرەچیای حەمرین خۆیان حەشاردابوو "لەئۆپەراسیۆنێكی ناوازەو قارەمانانەی دژەتیرۆرو دەزگای ئاسایشی نیشتمانیو لەژێر چاودێری ئۆپەراسیۆنە هاوبەشەكاندا" كوژراون.
سودانی لەڕاگەیەندراوەكەیدا دوپاتیكردوەتەوە: "هیچ شوێنێك بۆ تیرۆریستان لەعێراقدا نییەو تا حەشارگەكانیان بەدوایاندا دەڕۆینو لەناویان دەبەین، تا ئەوكاتەی خاكی عێراق پاكدەبێتەوە".
دەقی راگەیەندراوەكەی محەمەد شیاع سودانی سەرۆكوەزیرانی عێراق:
Copyright © 2020 Kirkuk Tv All Rights Reserved Designed And Developed By AVESTA GROUP