رێکخراوی نەتەوەیەکگرتووەکان ئاماری زیانەکانی جەنگ لە لوبنان بڵاودەکاتەوە

رێکخراوی نەتەوە یەکگرتووەکان هۆشداریدەدات لەوەی، شەڕ و پێکدادان لە لوبنان ئابووری وڵاتەکە بەرەو ناسەقامگیریی ببات و پێشبینیدەکات، لە ساڵی 2024دا بەڕێژەی 9.2% بەرهەمی ناوخۆیی دابەزین بەخۆوە ببینێت.
فەرحان حەق جێگری وتەبێژی سکرتێری گشتی نەتەوەیەکگرتووەکان رایگەیاندووە، بەگوێرەی ئامارە رەسمییەکان لە دوای 7ـى ئۆکتۆبەرەوە زیاتر لە دوو هەزار و 500 کەس لە لوبنان کوژراون و نزیکەی 12 هەزار کەسیش برینداربوون.
روونیشیکردووەتەوە، بەرنامەی گەشەپێدانی نەتەوەیەکگرتووەکان هەڵسەنگاندنێکی خێرای بۆ دۆخەکە ئەنجامداو  گەیشتین بەو ئەنجامەی ئابووریی لوبنان بەرێژەی 9.2٪ رووی لە داڕمانە.
وتیشى، ئەمە جگە لەوەی پێشبینیدەکرێت بێکاریی کاریگەری لەسەر نزیکەی یەک ملیۆن و 200 هەزار کەس هەبێت لە سەرانسەری وڵاتدا و پێدەچێت رێژەی بێکاری تاوەکو کۆتایی ئەمساڵ بەشێوەیەکی سەرسوڕهێنەر بۆ 32.6% بەرزبێتەوە.
باسی لەوەشکردووە: لەم نێوەندەدا سیستمی چاودێری تەندروستی ئەو وڵاتە کەوتووەتە ژێر فشارێکی توندەوە،.