رفعەت عەبدوڵا بۆ هەڤاڵانی بازنەكان: هەمیشە لەگەڵ خەڵكدابن و دەرگای بازنەكان واڵاكەن

بەمەبەستی پیرۆزبایی و دەستخۆشی لەهەڤاڵانی بازنەكانی بانگەشە لە سلێمانی، ئەمڕۆ شەممە 2024/10/26  رفعەت عەبدوڵا ئەندامی مەكتەبی سیاسی و سەرپەرشتیاری بازنەكانی سلێمانی بازنەكانی ناو شاری بەسەركردەوە كەبریتی بوون لە (ڕاپەرین، بەكرەجۆ، سەرچنار، كوردسات ،شێخ محێدین، چوارچرا، خەبات، ئیبراهیم ئەحمەد و ئازادی).
لەسەردانەكاندا لەلایەن دكتۆرە جوان ئیحسان و زیاد جەبار و پۆڵا سیروان تاڵەبانی و جەزا سەید مەجید  و  ئاڤێستامحمد ساڵح عوسمان و سەرتیپ عەلی و ئەكرەم كاكەوەیس و لێپرسراوی بازنەكان و هەڤاڵانی بازنەكانەوە بەگەرمی پێشوازیكرا، لەو سەردانە جیاجیانەدا رفعەت عەبدوڵا پیرۆزبایی و دەستخۆشی لەلێپرسراو و تەواوی هەڤاڵانی بازنە و سەرۆك بنكە و سەرپەرشتیاری بنكەكان و ئەندامانی تیمەكان كرد، كە لەبانگەشەی هەڵبژاردن و ڕۆژی دەنگداندا رۆڵی دیار و بەرچاویان هەبووە و توانیویانە سەركەوتوانە پەیام و بەرنامەی یەكێتی بگەیەننە هەموو ماڵەكانی سنوورەكانیان، ڕاشیگەیاند جێگەی دڵخۆشییە كە دەنگەكانی یەكێتی ئێستا دووهێندە بەراورد بەپێشتر زیادیانكردووە، ئەمەش ئەو متمانەیەیە كە كۆمەڵانی خەڵكی كوردستان بەخشیویانەوە بەیەكێتیەكەیان، بەتایبەتی لەسنوری سلێمانی، بۆیە ئەم متمانەیە و دەنگدانی شاری سلێمانی بەرزدەنرخێنین و پێی دەزانین و بێ وەفا نابین بەرامبەر ئەو دەنگدەرە بەڕێزانە ،دواتر تیشكی خستە سەر بەرنامە نەگۆڕەكەی یەكێتی كە ئامانجی سەرەكی خزمەتكردنی خەڵكە و دەیەوێت كۆمەڵانی خەڵك ژیانێكی ئاسوودە و خۆشگوزەرانیان هەبێت، هەر بۆیە هەموو توانای خستۆتەكار  بۆ جێبەجێكردنی پرۆژەی (تەوتین) بۆ ئەوەی مووچەی مووچەخۆران زامن بكات. 
لەبەشێكی تری وتەكانیدا  رفعەت عەبدوڵا باسی لەئەركی نوێی ڕێكخراوەی كرد و هیوای خواست هەمووان پێكەوە بەو جۆش و خرۆشەوە كاربكەن و ئۆرگانەكان بەشێوەیەكی سەردەمیانە رێكبخرێنەوە، كەلەگەڵ دۆخی كوردستان و ناوچەكە بگونجێت، بۆ ئەو مەبەستەش ڕێنمایی پێویستی پێدان و تەئكیدی لەسەر ئەوەشكردەوە كە سیستمی سزا و پاداشت پەیڕەو دەكەین لەمەودوا بەو سیستمە كاردەكەین و هەیكەلی حزب لەسەر ئەو بنەمایە ڕێكدەخرێتەوە.
هەلەوسەردانانەدا  رفعەت عەبدوڵا ڕێزلێنانی بەخشییە ژمارەیەك لەهەڤاڵانی تیمەكان.