نرخی نەوت لە بازاڕە جیهانییەکاندا دابەزی

لەگەڵ یەکەم رۆژی هەفتەیەکی نوێی بازاڕی نەوت، نرخەکەی بە شێوەیەک دابەزیوە کە زیاتر لە دوو مانگە بەیەک قۆناغ بەو شێوەیە دانەبەزیوە.

دابەزینەکە زیاترە لە سێ دۆلار و پێدەچێت پەیوەست بێت بە هێرشەکەی ئیسرائیل بۆسەر ئێران کە هیچ ناوەندێکی نەوتی بە ئامانج نەگرت.

ئەمڕۆ دەستپێکی مامەڵەکانی نەوت دابەزین دەستی پێکرد، بەشێوەیەک نرخی یەك بەرمیل نەوتی برێنت بە نزیکەی 72 دۆلار و 57 سەنت مامەڵەی پێوەدەکرێت، واتا نزیکەی 3 دۆلار و نیو دابەزیوە. بەرمیلێک نەوتی تێكساسیش بە 68 دۆلار و 42 سەنتە و نزیکەی 3 دۆلار هەزارن بووە.

لە نیوەی یەکەمی ئەم مانگە، نرخی نەوت بەردەوام لە بەرزبوونەوەدابوو، بەشێوەیەک گەیشتە بن 80 دۆلار، هۆکارەکەشی ئەگەری هێرشی ئیسرائیل بوو بۆسەر کێڵگە نەوتییەکانی ئێران، بەڵام لە ئەگەری خاوبوونەوەی مەترسی هێرشەکە جارێکی دیکە نرخی نەوت بەرەو دابەزین دەچێت.