بەھۆی ھێرشی ئیسرائیلەوە ١٦٨ کارمەندی تەندروستی لوبنان کوژراون

بەھۆی ھێرشەکانی ئیسرائیلەوە نزیکەی ١٧٠ کارمەندی تیمە فریاگوزارییە تەندروستییەکانی لوبنان کوژراون و کۆی ژمارەی کوژراوانیش گەیشتووەتە زیاتر لە دوو ھەزار و ٦٧٠ کەس.

دوای کوژرانی سێ کارمەندی تیمێکی فریاگوزاری تەندروستی بەھۆی بۆردومانێکی ئیسرائیلەوە بۆسەر بنکەیەکی تەندروستی لە شارۆچکەی عەین بیعال لە باشووری لوبنان وەزارەتی تەندروستی لوبنان بڵاویکردووتەوە، تا ئێستا 168 کارمەندی تیمە فریاگوزارییە تەندروستییەکانی لوبنان کوژران و 275 کارمەندی تریش برینداربوون.

ئاماژەی بەوەشکردووە، لەسەرەتای دەستپێکردنی ھێرش و بۆردومانەکانی ئیسرائیلەوە بۆ سەر ناوچەکانی باشووری لوبنان، تائێستا دوو ھەزار و 672 کەس کوژران و 12 ھەزار و 468 کەسی تریش برینداربوون.