نەتەوەیەکگرتوەکان: ژمارەی ئەو پەنابەرانەی لە لوبنانەوە هاتونەتە عیراق 22 هەزار کەسی تێپەڕاندووە

نەتەوەیەکگرتوەکان ئاشکرایدەکات ژمارەی ئەو پەنابەرانەی لە لوبنانەوە هاتونەتە عێراق 22 هەزار کەسی تێپەڕاندوە و بەشی زۆریشیان لەڕێی فڕۆکەخانەکانەوە هاتونەتە وڵاتەکە.
نەتەوەیەکگرتوەکان لە راپۆرتێکدا ئاشکرایکردوە: لە 23ـی ئەیلول و دوای فراوانبونی هێرشەکانی ئیسرائیل بۆسەر لوبنان و بەیروتی پایتەخت، ژمارەی پەنابەرە لوبنانییەکان لە عێراق رووی لە هەڵکشان کردوە.
بەپێی راپۆرتەکە، ئێستا 22 هەزار لوبنانی لە عێراقن بۆ پارێزگاری لە ژیانی خۆیان و لەڕێی جیاوازەوە روویان لە وڵاتەکە کردوە بەتایبەت دەروازەی قائیم-ی نێوان عێراق و سوریا یاخود لەڕێی فڕۆکەخانەکانی بەغداد و نەجەفەوە.
بەهۆی هێرشەکانی ئیسرائیلەوە بۆسەر کەرتی غەززە لە 7ـی ئۆکتۆبەرەوە، نزیکەی 2 ملیۆن کەس ئاوارەبوون و لە لوبنانیش لە کۆتاییەکانی مانگی سێپتەمبەرەوە تا ئێستا زیاتر لە ملیۆنێک لوبنانی وڵاتەکەی خۆیان بەهۆی هێرشەکەی ئیسرائیلەوە چۆڵکردوە و ئاوارە بون.