قوباد تاڵەبانی، جێگری سەرۆکوەزیرانی هەرێمی کوردستان پێشوازی لە ئەلبرێشت فۆن ڤیتکە، کونسوڵی گشتیی ئەڵمانیا لە هەولێر، کرد.
لەدیدارەکەدا کە ئەمڕۆ (4ی تشرینی دووەمی 2024) لە هەولێر بەڕێوەچوو، هەردوولا دۆخی هەرێمی کوردستانیان لە پاش هەڵبژاردنی پەرلەمانی کوردستان و پرۆسەی پێکهێنانی حکومەتی نوێی هەرێمی کوردستانیان؛ تاوتوێکرد. قوباد تاڵەبانی ڕوونیکردەوە، یەکێتی نیشتمانی کوردستان خاوەن پلان و دیدگایەکی چاکسازیخوازە بۆ پێکهێنانی حکومەت و کراوەشە بەڕووی هەموو ئەوانەی لەو دیدگایەوە نزیکن و ئامادەی کاری هاوبەشن.
لە دیدارەکەدا هەردوولا هاوڕابوون لەسەر گرنگی پێکهێنانی حکومەتی هەرێمی کوردستان و پەلەکردن لەو پرۆسەیە و پاراستنی پێگە و قەوارەی هەرێمی کوردستان.
لە بەشێکی تری دیدارەکەدا قوباد تاڵەبانی، هیوای سەرکەوتنی بۆ کونسوڵی نوێی ئەڵمانیا خواست و هەموو پشتیوانی و پشتگیرییەکی بۆ کارەکانی دووپاتکردەوە، ئەویش لای خۆیەوە جەختی بەردەوامی ئەڵمانیا لە هاوکارییەکانی بۆ هەرێم کردەوە و تیشکی خستە سەر گرنگی کاری هاوبەش بۆ پێشگرتن و بەرەنگاربوونەوەی مەترسییە هاوبەشەکان.
Copyright © 2020 Kirkuk Tv All Rights Reserved Designed And Developed By AVESTA GROUP