به‌پێی بڕیارێكی محه‌مه‌د شیاع سودانی سه‌رۆك وه‌زیرانی عێراق، ده‌بێت دابه‌شكردنی مووچه‌و به‌كارهێنانی پاره‌ی كاش له داموده‌زگاكانی حكومه‌ت كۆتایی بێت و به ئه‌لیكترۆنی بكرێت.
له راگه‌یه‌ندراوێكی نوسینگه‌ی راگه‌یاندنی سه‌رۆك وه‌زیراندا ئاماژه بۆئه‌وه‌كردووه:" سه‌رۆكی ئه‌نجومه‌نی وه‌زیران فه‌رمانی گرتنه‌به‌ری چه‌ند هه‌نگاوێكی ده‌ركردووه، بۆ پته‌وكردن و په‌ره‌پێدانی سیسته‌م و خزمه‌تگوزارییه‌كانی پاره‌دانی ئه‌لیكترۆنی".
له راگه‌یه‌ندراوه‌كه‌دا ئه‌وه‌شخراوه‌ته‌وه كه:" سه‌رۆك وه‌زیران بڕیاری ده‌ركردوه بۆ كاركردن له‌سه‌ر (ته‌وتین)كردنی موچه‌ی كارمه‌ندانی كه‌رتی تایبه‌ت هاوشێوه‌ی كه‌رتی حكومی و ڕاسپاردنی هه‌ر یه‌ك له وه‌زاره‌تی كارو كاروباری كۆمه‌لایه‌تی و بانكی ناوه‌ندی عێراق، بۆ به‌شداریكردنی ژماره‌یه‌ك دامه‌زراوه‌ی كه‌رتی تایبه‌ت، به‌مه‌به‌ستی ئاماده‌كردنی میكانیزمێكی گونجاو بۆ ئه‌م مه‌به‌سته.
راشیگه‌یاندووه كه ده‌بێت، وه‌زاره‌ته‌كان و سه‌رجه‌م داموده‌زگاكانی حكومه‌ت ده‌ستبه‌رداری پاره‌دان به شێوه‌ی نه‌ختینه (كاش) بن و پاره‌دانی ئه‌لیكترۆنی به‌كاربهێنن له پاره‌دان و مامه‌ڵه په‌یوه‌ندیداره‌كانی تردا، ئه‌مه‌ش له‌رێگه‌ی پلانێكی یه‌كخراوه، كه له‌لایه‌ن هه‌ر وه‌زاره‌تێك یان دامه‌زراوه‌یه‌كی حكومییه‌وه پێش 31ی كانونی یه‌كه‌می 2024 پێشكه‌ش بكرێت، به مه‌رجێك جێبه‌جێكردنی ڕاسته‌قینه‌ی ئه‌م پلانه له 1 ی ته‌مووزی 2025ـ ه‌وه ده‌ستپێبكات.
 پ4ق.jpg)
Copyright © 2020 Kirkuk Tv All Rights Reserved Designed And Developed By AVESTA GROUP