ماریۆ گەڕایەوە 5 دەقیقە یارى کرد کارتى وەرگرت!

ماریۆ گەڕایەوە  5 دەقیقە یارى کرد کارتى وەرگرت!
ئاکۆ بیبانى
ماریۆ بالۆتێلى ئیتاڵى و یاریزانى بە ناوبانگى تۆپى پێى جیهان  ، یاریزانێکى خێراو گۆڵکارێکى لێهاتوو و ساڵانێکى زۆرە لە نێو لاکێشەى سەوزدایە  ئەزمونێکى دەوڵەمەندى هەیە و لەگەڵ بەشێکى زۆر لە یانە گەورەکانى ئەوروپا یارى کردوە ، یاریزانێکى توند و تیژ و سەرکێشە ! جوڵەکانى نامۆ و ناسروشتییە ! لە ریزى یانەکانى ( ئینتەرمیلان مانچێستەر سیتى و چێلسى و ئەى سى میلان و لیفەرپول)  و چەند یانەیەکى دیکە یارى کردوە .
ماریۆ بالۆتێلى لەگەڵ هەڵبژاردەى نشتیمانى ئیتاڵیا یارى کردو یەکێک بوو لە هێرشبەرە ناوازەکان و رۆڵى کاریگەرى لەگەڵ وڵاتەکەى گێڕا ، بەهۆى رەش پێستێکەیەوە هەمیشە کێشەى بۆ دروست دەکرا و ئەو یاریزانەش تواناى کۆنترۆڵکردنى خۆى نەبوو ، لە هیچ یانەیەک ماریۆ نەیتوانى بەردەوام بێت ، وەرزى رابردوو هێرشبەرەکە روویکردە ریزەکانى یانەى ئەدەنە دەمیر سپۆرى تورکى 18 یارى ئەنجامداو لەو ماوەیەشدا 6 گۆڵى بەدرێسى یانە تورکییەکەوە ئەنجام داوە .
 ماریۆ بالۆتێلى لە ئێستادا تەمەنى 34 ساڵە ، جارێکى دیکە گەڕایەوە بۆ خولى یانەکانى ئیتاڵیا و یانەى جێنەواى هەڵبژارد ، هەر چەندە دۆخى یانەکە لەم وەرزەدا جێگیر نیە و لەدواین پلەکانى ریزبەندییە ، بەڵام شەوى رابردوو یەکەم دەرکەوتنى بالۆتێلى بوو بە درێسى جێنیەواوە ، لەو یارییەدا یانەکەى ماریۆ بردنەوەیەکى گرنگى بەدەستهێنا و دوای 70 رۆژ بە بردنەوە شاد بوو کاتێک لە پارماى بردەوەو دواین خانەى ریزبەندی بەجێهێشت ، لەو یارییەدا ماریۆ بالۆتێلى تەنها پێنج دەقیقە یارى کردو لە دەقیقەى 85 راهێنەر خستیە یاریگاوە لەو 5 دەقیقەیەدا بالۆتێلى دەستى کردەوە بە جوڵە نامۆ و توندو تیژییەکان و بەوهۆیەوە کارتى زەردى پێ درا .
جۆزێ مۆرینۆ باس لە بەسەرهاتێکى کۆمێدى دەکات و دەلێت : لە یارى نێوان ئینتەرمیلان و کازان لە خولى یانە پاڵەوانەکانى ئەوروپا ، هەردوو هێرشبەر (  دیگۆ میلیتۆ و ئیتۆ    ) پێکانیان هەبوو تەنها یاریزانى هێرشبەر بالۆتێلى بوو ، لەدەقیقەى 42 کارتێکى زەردى وەرگرت ، لە پشووى نێوان هەردوو تایم 15 دەقیقە قسەم کرد 14 دەقەیان لەسەر بالۆتێلى بوو پێم ووت : ماریۆ ناتوانم هیچ گۆڕانکارییەک بکەم تکایە دەس لەکەس مەدە ، تەنها بەتۆپ یارى بکە ، کاتێک تۆپ لەدەست دەدەتى هیچ کاردانەوەیەکت نەبێ گەر بێزاریان کردى هیچ مەکە تکایە ، کەچى لەدەقیقەى 46 کارتى سووى وەرگرت و کرایە دەرەوەى یاریگا ، یادگارییەکانى زۆرن بەلأم هەمووى کۆمیدین .