سوپای عێراق كوشتنی 5 تیرۆرستی تاقمی تیرۆرستی داعشى له ناوچه‌ی دۆڵی زغێتون ـ ی ناحیه‌ی ره‌شادی سه‌ربه قه‌زای داقوق راگه‌یاند كه له ئه‌نجامى بۆردومانی هێزی ئاسمانیدا كوژراون.
شانه‌ی راگه‌یاندنی ئه‌منی رايگەیاند: "چاودێریی جموجۆڵی تیرۆریستەکان کراوە و هێرشە ئاسمانییەکەش بەرەبەیانی ئەمڕۆ 23ـی 11 ئەنجامدراوە".
هەروەک بەگوێرەی راگەیەندراوێکی فەرماندەیی ئۆپەراسیۆنە هاوبەشەکان وێڕای تەئکیدکردنەوە لە هێرشە ئاسمانییەکە رایدەگەیەنێت: "دوای بۆردومانەکە ئۆپەراسیۆن و کێوماڵێ ناوچەکە کراوە و تەرمی پێنج تیرۆریست دۆزراونەتەوە و ئێستا کار لەسەر ناسینەوە و دۆزینەوەی ناسنامەیان دەکرێت".
هەر بەپێی راگەیەندراوەکە لە و کێوماڵەدا چەند حەشارگەیەک و بڕێکی زۆر چەک و تەمەنی و پشتوێنی بۆمبڕێژکراو دەستیان بەسەردا گیراوە.
هەفتەیەک لەمەوبەر و لە شەوی 16ی11 لە هێرشێکی ئاسمانیدا بە فرۆکەی F16 گروپێکی تیرۆریستی داعش کە چوار کەس بوون لە دۆڵی زغەیتون-ی ناحیەی رەشاد سەربە قەزای داقوق لە کەرکوک کوژران.
Copyright © 2020 Kirkuk Tv All Rights Reserved Designed And Developed By AVESTA GROUP