فەرمانبەرانی گرێبەستی هه‌رێم به‌ هه‌میشه‌ییده‌كرێن

وەزارەتی دارایی و ئابوری حكومه‌تی هەرێمی كوردستان گشتاندنی دارایی ژمارە ( 9 ) ی ساڵی ( 2024 ) ی تایبەت بەهەمیشەییكردنی فەرمانبەرانی گرێبەست لە دام و دەزگاكانی هەرێم دەركرد.

وەزارەتی دارایی و ئابوری هەرێم، پاڵپشت بە نوسراوی ئەنجومەنی وەزیران ژمارە 14245 لەرێكەوتی 22-10-2024، گشتاندنی بۆ بەهەمیشەییكردنی فەرمانبەرانی گرێبەست دەركرد، كە لەگشتاندنەكەدا 14 خاڵی وەك مەرجەكانی بوون بەهەمیشەیی فەرمانبەرانی گرێبەست راگەیاندووە، هاوكات كۆپییەكی گشتاندنەكەی ئاڕاستەی سێ سەرۆكایەتییەكەی هەرێم و سەرجەم وەزارەت و فەرمانگەكان كردووە، هەروەها لەسەر بڕیاری ئەنجومەنی وەزیران داوای كردووە فەرمانەكە جێبەجێ بكرێت.

گشتاندنەكە رێكەوتی 24-11-2024 ی لەسەرەو بەئیمزای ئاوات جەناب نوری وەزیری دارایی حكومەتی هەرێمەوە، كۆپییەكی ئاڕاستەی بەڕێوەبەرایەتی گەنجینەی هەرێم، هەولێر (1-2) ی سلێمانی، دهۆك، هەڵەبجە، گەرمیان، سۆران، راپەڕین، ئاكرێ، زاخۆ، كۆیە، چەمچەماڵ، ئامێدی كردووە بۆ جێبەجێ كردن.