بەریتانیا و پێنج وڵاتی یەكێتیی ئەوروپا پێدانی مافی
پەنابەرێتییان
بە هاوڵاتییانی سووریا ڕاگرت.
هەریەك لە وڵاتانی (بەریتانیا و ئەڵمانیا و نەمسا و
دانیمارك و سوید و نەرویج)، پێدانی مافی پەنابەرێتییان بە هاوڵاتییانی سوریا
راگرت، وەزارەتی ناوخۆی بەریتانیاش دەڵێت، بڕیاری راگرتنی پێدانی مافی پەنابەرێتی
بە هاوڵاتییانی سووریا بۆ كاتێكی نادیار، لە دوای رووخانی رژێمی بەشار ئەسەد هاتووە
و چاودێریی دۆخی سوریاش دەكرێت.
هاوكات سوید و نەرویج و دانیماركیش لەڕێگای وەزارەتی
ناوخۆیانەوە رایانگەیاندووە، بە رەچاوكردنی دۆخی سووریا بڕیاردانەوە پێدانی مافی پەنابەرێتی
بە هاوڵاتییانی سوریا رابگرن، تاوەكو دۆخی ئەو وڵاتە سەقامگیریی بەخۆیەوە دەبینێت.
Copyright © 2020 Kirkuk Tv All Rights Reserved Designed And Developed By AVESTA GROUP