هەسەدە پەلامارێکی گروپە چەكدارەكان بۆ سەر بەنداوی تشرین و دەوروبەری تێكدەشکێنێت

هەسەدە تێكشكاندنی هێرشێکی گروپە چەكدارەكانی بۆسەر بەنداوی تشرین و دەوروبەری  راگەیاندو دەڵێت، چەكدارەكان دەیان كوژراو و برینداریان هەبووە.
ناوەندی راگەیاندنی هێزەكانی سوریای دیموكرات بڵاویكردەوە، پەلاماری گروپە چەكدارەكان بە پشتیوانی هێزی ئاسمانی و فڕۆكەی بێفڕۆكەوان بووە، بەڵام شەڕڤانان بەرپەرچی هێرشەکەیان داونەتەوە و زیانی گەورەیان پێگەیاندوون.
ناوەندی راگەیاندنی هەسەدە ئاماژەی بەوەشكردووە، هەموو هێرشەکانی سەر ناوچەكانی رۆژهەڵات و باشوری مەنبج و باكوری بەنداوی تشرینیان تێكشكاندووەو چەكدارەكان دەیان كوژراو و برینداریان هەبووە.