وه‌زاره‌تی نه‌وتی عیراق: هیچ گرێبەستێکی نەوتیمان لەگەڵ سووریادا نییە

وەزارەتی نەوتی عێراق ڕوونكردنه‌وه‌یه‌ك بڵاوده‌كاته‌وه‌و ڕایده‌گه‌یه‌نێت، هیچ گرێبەستێکی نەوتییان لەگەڵ سووریادا بۆ هەناردەکردنی نەوتی خاو نـــییە.
ئەمڕۆ وەزارەتی نەوتی عێراق ڕوونكردنه‌وه‌یه‌كی بڵاوکردەوەو ڕایگه‌یاندووه‌، هەندێک لەدەزگاکانی ڕاگەیاندن هه‌واڵی ئەوەیان بڵاوکردوەتەوە گوایه‌ عێراق دەست بەهەناردەکردنی نەوتی خاو بۆ سوریا دەکات.
لە روونکردنەوەکەدا وەزارەت ئەو هەواڵانە رەتدەکاتەوەو جەختدەکاتەوە کۆمپانیای سۆمۆ ئاماژه‌ی به‌وه‌كردووه‌، هیچ گرێبەستێکیان لەگەڵ سووریادا بۆ دابینکردنی نەوت نییە ‌و ئەو هەواڵانەشی بڵاوكراونه‌ته‌وه‌ دوورن لەڕاستییەوە.
پێشتر لە میدیاکاندا وابڵاوکرابووەوە هێڵێکی بۆری نەوت لە عیراقەوە بۆ سوریا، دادەمەزرێت، تاوەکوو پێویستیی وزەی ئەو وڵاتە بۆ بەرهەمهێنانی کارەبا و غاز پڕبکرێتەوە.