مەزڵوم کۆبانێ فەرماندەی گشتیی هێزەکانی سوریای
دیموکرات رایدەگەیەنێت، مەترسییەکانی داعش
لە ناوەندەکانی دەستبەسەرکردن و کەمپەکاندا ڕوو لە زیادبوونەو جموجۆڵی ڕێکخراوەکە
بەگشتی زیادیکردووە.
فەرماندەی هەسەدە لە دیمانەیەکدا لەگەڵ ڕۆژنامەی
"زە سەن"ـی بەریتانی ئاماژەی بەوەکردووە، پێویستە هەوڵەکان چڕبکرێنەوە بۆ
درێژەدان بە شەڕی دژ بە داعش.
ڕوونیشیکردووەتەوە، کە ئێستا 10 هەزار چەکداری
داعش لە زیندانەکانیاندان و، ئامادەن "بۆ گەڕانەوەی وێرانکاری بۆ رۆژهەڵاتی
ناوەڕاست".
بەگوێرەی هەواڵگریی ئەمریکا دوو هەزار لەو چەکدارانەی
داعش کە لە کەمپەکانی هەسەدەدان لە لیستی "مەترسیی باڵا"دان. وەکو فەرماندەی
هەسەدە دەڵێت، کۆی ژمارەی ئەو چەکدارانەی داعش و خێزانەکانیان کە لە کەمپەکانی هۆل
و رۆژن نزیکەی 60 هەزار کەسن.
مەزڵوم کۆبانێ باسی لەوەشکردووە، ئێستا داعش لە هەوڵی
رفاندن و دەرکردنی ئەندامانیاندان لە کەمپەکانی رۆژئاوای کوردستان، هۆشداریشدا لە
بەردەوامی هەرەشەی داعش بۆ سەر وڵاتانی رۆژئاواو داواشیکرد وڵاتان پشتگیری لە دادگاییکردنیان بکەن
لە دۆسیەکانی پەیوەست بەو دڕندەییانەی لە رۆژهەڵاتی ناوەڕاست ئەنجامیانداوە.
Copyright © 2020 Kirkuk Tv All Rights Reserved Designed And Developed By AVESTA GROUP