لەسەر راسپاردەی پارێزگاری کەرکوک وەفدێکی مامۆستایانی خوێندنی کوردی سەردانی بەغداد دەکەن

وەفدێکی لقی کەرکوکی یەکێتی مامۆستایانی کوردستان بۆ گواستنەوەی راژەی مامۆستایانی خوێندنی کوردی سەردانی بەغدایان کرد.
کەمال شەریف، سەرۆکی لقی کەرکوکی یەکێتی مامۆستایانی کوردستان بڵاویکردەوە: لەسەر ڕاسپاردەی ریبوار تەها پارێزگای کەرکوک، وەفدێکی هاوبەشی لقی کەرکوکی یەکێتی مامۆستایانی کوردستان و دەستەی مامۆستایان و فەرمانبەرانی خوێندنی کوردی شاری کەرکوک بەمەبەستی چارەسەرکردنی کێشەی گواستنەوەی ڕاژەی مامۆستایان سەردانی بەغدایان کردوە .
وتیشی: لە یەکەمین وێستگەی سەردانەکەیاندا، لەگەڵ وەزیری پەروەردەی عێراق، کۆبوونەوەیەکمان سەبارەت بە گواستنەوەی راژەی مامۆستایان ئەنجامدا، تێیدا وەزیری پەروەردە پاڵپشتی خۆی بۆ داواکاریەکانمان دەربڕی و بەڵێنیدا کێشەکە چارەسەربکات .
لە بەشێکی دیکەی سەردانەکەیاندا، لەگەڵ (دکتور خالید شوانی) وەزیری دادی عێراق کۆبونەتەوە و وەزیری داد پاڵپشتی خۆی بۆ مامۆستایان دەربڕیوە و ئاماژە بە چەند ڕێکارێک کردوە، کە لەرێگەیانەوە داواکاری مامۆستایان لە ماوەی (10) ڕۆژدا دەگاتە دەست سەرۆکی ئەنجومەنی وەزیرانی عێراق