سێرجیۆ رامۆس لەدەرەوەى ئەوروپا یانەیەکى هەڵبژارد .

سێرجیۆ رامۆس لەدەرەوەى ئەوروپا یانەیەکى هەڵبژارد .
ئاکۆ بیبانى

سێرجۆ رامۆسى ئیسپانى و بەرگریکارى پێشووى یانەى ریاڵ مەدرید ، دوای ساڵانێکى زۆر لە یاریکردن لە خولەکانى ئەوروپا ، دواجار لە دەرەوەى کیشوەرەکە ئەزمونێکى نوێ تاقی دەکاتەوە و پەیوەندى دەکات بە خولى یانەکانى مەکسیکەوە .
فابریزۆ رۆمانۆ ، شارەزا لە هەواڵى گواستنەوەى یاریزانان ، هەوالێکى نوێى دەربارەى ئایندەى سیرجیۆ رامۆس بڵاوکردەوە ، فابریزۆ ووردەکارى داهاتووى یاریزانەکەى باس کردوەو ئاماژەى بۆ ئەوەکردوە ، وێستگەى داهاتووى رامۆس یاریکردنە لە ریزەکانى یانەى مۆنتێرى مەکسیکى .
 ساڵى رابردوو ، رامۆس بۆ یەک وەرز لە پاریس سانجێرمانەوە گەڕایەوە بۆ یانەى سیفییا ئەو یانەیەى کەلەسەرەتا دا درێسەکەى پۆشى ، دوای تەواو بوونى وەرزەکە ، سێرجیۆ بوو بە یاریزانێکى سەربەست و ئازاد و ماوەى یەک وەرزە بێ یانەیە ، هەربۆیە یانەى مۆنتێرى مەکسیکى بەهەلى زانى و گرێبەستى لەگەڵ واژۆکرد .
یانەى مۆنتێرى مەکسیکى لە خولى یانەکانى مەکسیک یارى دەکات ، لە کاتێکدا کارلۆس سالسیدۆ دووچارى پێکانێکى سەخت هات لە بەستەرەکانى ، هاناى برد بۆ سێرجۆ رامۆس بۆ پڕکردنەوەى شوێنەکەى .
هەر لەو پێناوەشدا ئیدارەى یانەکە لە پێناو ئەو گرێبەستە دەستبەردارى  یۆهان ڕۆخاسی هێرشبەری کۆڵۆمبی بوو ، بۆ ئەوەی گرێبەست لەگەڵ ڕامۆس ئەنجام بدات .
سێرجیۆ رامۆس چەندین ئۆفەرى گەورەى لە خولەکانى ( سعودى و قەتەرى و ئیماراتى و ئەمریکى ) پێ گەشت ، دواجار بە گرێبسەتەکەى مۆنتیرى رازى بوو .
ڕامۆسى تەمەن 38 ساڵان  مۆندیالی  ى 2010 لەگەڵ ئیسپانیا بردەوە و دووجاریش بووە پاڵەوانی ئەوروپا.
ڕامۆس پێنج نازناوی لالیگای لەگەڵ ڕیال مەدرید بەدەستهێناوە، هەروەها چوار نازناوی چامپیۆنزلیگی بەرزکردۆتەوە. هاوینی 2021 ڕووی لە پاریس سانجێرمان کرد و لەوێ دوو نازناوی خولی فەرەنسای بەدەستهێنا.
لە چەند سەعاتى داهاتوو ، سێرجیۆ رامۆس بە شێوەى خۆڕایی گرێبستەکەى لەگەڵ مۆنتێرى مەکسیکى واژۆ دەکات .