هێزێكی نوێی هاوپەیمانان گەیشتە رۆژئاوای كوردستان

وەفدێکی سەربازی هاوپەیمانی نێودەوڵەتی لەگەڵ سەركردە سەربازییەكانی هێزەكانی سوریای دیموكرات هەسەدە كۆبووەوە.

سەرچاوەیەكی سەربازی نزیك لە شەڕڤانانی هەسەدە رايگەیاند: “هێزێكی هاوپەیمانی نێودەوڵەتی لە بنكەی كێڵگەى نەوتی عومەر بەرەو گوند و شارۆچكەكانی درەنج و غەڕانیج و هەجیین لە رۆژهەڵاتی دێرەزوور بەڕێکەوتن.

ئاماژەی بەوەشكردووە: سەركردەكانی هێزەكە لە بارەگایەكی سەربازی لە هەجین لەگەڵ سەركردەكانی هێزەكانی “هەسەدە” كۆبوونەتەوە.

ڕوونیشیكردەوە: ئامانجی كۆبوونەوەكە زیادكردنی هاوئاهەنگی نێوان هەردوولا بووە، بەتایبەتی كە ئەندامانی هێزەكە بەم دواییانە گەیشتوونەتە رۆژهەڵاتی سوریا و “هێزە نوێیەكەی هاوپەیمانان دەیانویست زیاتر شارەزای ناوچەكە بن، و بەڵێنیان داوە کە بەردەوام بن لە شەڕی دژ بە تیرۆریستانی داعش”.

ئەمەش لەكاتێكدایە لە ماوەی چەند رۆژی رابردوودا ئەمریكا لە رێگای ئاسمانی و زەمینییەوە هێزی زیاتری رەوانەی رۆژئاوای كوردستان كردووە