رۆژنامه‌نووسێكى کورد له‌ به‌نداوی تشرین به‌ بۆردومانی توركیا شەهیدبوو

رۆژنامەنووس عەگید ڕۆژ به‌ بۆردومانی فڕۆکەی بێفڕۆکەوانی دەوڵەتی تورکیا له‌ به‌نداوی تشرین له‌ كۆبانێ شەهیدبوو.
به‌گوێره‌ی سه‌رچاوه‌كان لە رۆژئاوای كوردستان، فڕۆکەی بێفڕۆکەوانی تورکیا هێرشی كردوه‌ته‌ سه‌ر به‌ناوی تشرین و به‌هۆیه‌وه‌ عەگید ڕۆژ، ڕۆژنامەوانی ڕاگەیاندنی ئازادی شەهیدبوو.
عەگید ڕۆژ ڕۆژنامەوانێکی کۆچبەری عەفرینە، ماوەی 39 ڕۆژە لە ڕوماڵکردنی بەرخۆدانەکانی پردی قەرەقۆزاق و بەرخۆدانی گەل و شەڕڤانان لە بەنداوی تشرین به‌رده‌وامه‌.
ئەمەش لە کاتێکدایە لە 19ی کانونی یەکەمی 2024دا ڕۆژنامەوانانی ڕاگەیاندنی ئازادی، نازم داشتان و جیهان بیلگینی کە ڕوماڵی ڕوداو و هێرشەکانی سەر بەنداوی تشرینیان دەکرد بەهەمان شێوە لەلایەن تورکیاوە شەهیدکران.