وەزارەتی بازرگانیی عیراق: چوار ماددەی نوێ بۆ بەشەخۆراک زیاد دەکرێن

وەزارەتی بارزگانی عێراق ئاشکرایکرد، بۆ مانگی رەمەزان چوار مادەی سەرەکی خۆراک، بۆ سەبەتەی خۆراکی هاوڵاتییان زیادکراوە و بەم نزیکانەش دابەش دەکرێت بەسەر بریکارەکاندا.
بەگوێرەی وەزارەتی بازرگانیی عێراق لە کۆتایی ئەم هەفتەیە سەبەتەی بەشە خۆراکیی رەمەزان دەگاتە سەرجەم گەنجینەکانی پارێزگاکانی عێراق و هەرێمی کوردستان و چوار ماددەی سەرەکیشی بۆ زیادکراوە.
محەمەد حەنوون، وتەبێژی وەزارەتی بازرگانی عێراق رایگەیاندووە: به‌ له‌به‌رچاوگرتنی دۆخی بازاڕ، رێگریکردن لە هەڵاوسان پێش هاتنی مانگی ره‌مه‌زان، بڕیاردراوە رۆژی پێنجشەممە سەبەتەی خۆراکی مانگی رەمەزان دابەشبکرێت، 11 ماددە لەخۆدەگرێت، کە چوار ماددەیان نوێیە و پێکهاتووە لە ئاردی سفر، مەعکەرۆنی، شعریە و نیشاستە.