ئەندریک لە کەمترین دەرفەتدا رۆڵى یەکلاکەرەوە دەبینێت

وەرزش
14:22 - 2025-02-27


ئەندریک فلیپى بەرازیلى و هێرشبەرى یانەى ریاڵ مەدریدى ئیسپانى ، هێرشبەرێکى خێراو بە هێز و خاوەن سەلیقەیەکى زۆرەو لە کەمترین دەرفەتدا تواناى گۆڵکردنى هەیە ، هەرچەندە کەمترین دەرفەتى یاریکردنى پێ دەدرێت ، لە بوونى هێرشبەرانى چەشنى ( کیلیان مپاپێ و فینیسۆس جۆنیۆر و رۆدیگۆ ) وەک پێویست بوار بە یاریزانە 18 ساڵەکە نەدراوە تاکو لە نێو لاکێشەى سەوزدا بدرەوشێتەوە ، ئەندریک ئەو هێرشبەرە بوو کە ئەنچیلۆتى هەڵیبژارد بۆ سەرکردایەتى کردنى هێڵى هێرشبردن و بەتەواوى لە رۆژى خۆیدا بوو توانى گۆڵێکی نایاب تۆماربکات و بردنەوە ببەخشێت بە مەدریدیەکان .
ئەندریک چى ووت دوای یارییەکە :

گۆلێکى باش بوو ، توانیم بە باشى کۆنترۆڵى تۆپ بکەم و بە پێی راست جێبەجێى بکەم ، دەتوانم یارمەتى تیپەکەم بدەم بە گۆڵکردن بێت یاخود بە ئاستى بەرز بێت ، کاتێک گۆڵەکەم تۆمارکرد زۆر خۆشحاڵ بووم ، بۆ ئەوەى چانسى یاریکردنم زۆر بێت دەبێت زۆر بە باشى خۆم ماندوو بکەم ، زۆر هەوڵبدەم ، کاتێک دەرفەتى دووەمى گۆڵکردنم لەدەست چوو زۆر بێ تاقەت بووم .

ئەندریک هەمیشە وەک جەنگاوەرێک ئامادەیە بۆ شەڕکردن و زۆر بە دڕندەیی بەرامبەر بە تیپەکانى دژ دەوەستێتەوە ، بوارى پێ بدرێت دەبێت بە کابوسى گۆڵپارێزان و لە جامى شاى ئیسپانیا گۆڵکارەو توانیوێتى چوار گۆڵ تۆماربکات ، ئەندریک 474 دەقیقە یارى کردوەو لە کۆى یاریکردنەکانى 6 گۆڵى تۆمارکردوە ، گۆلێکیان لە چانپیۆنز لیگ و گۆلێکیان لە لالیگا بووە .

بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP