ئاسۆ مامەند : ئومێدەوارم ئەم مانگە پیرۆزە ببێتە فاکتەری ئارامی و ئاوەدانی بۆ گەلەکەمان

ئاسۆ مامەند سەرپەرشتیاری کەرکوک-سەڵاحەدینی یەكێتیی نیشتمانیی كوردستان هاتنی مانگی رەمەزانی لە موسڵمانان پیرۆزكرد و رایگەیاند : ئومێدەوارم ئەم مانگە پیرۆزە؛ ببێتە فاکتەری ئارامی و ئاوەدانی بۆ گەلەکەمان

ئەمەش دەقی پیرۆزباییەكەی : 

بەبۆنەی هاتنەوەی مانگی پیرۆزی رەمەزان، مانگی نزا و لێبوردەیی، پیرۆزباییەکی گەرم ئاڕاستەی موسڵمانانی جیهان بە گشتی و موسڵمانانی كوردستان و دانیشتوانی كەركوك و ناوچە جێناکۆکەکان بە تایبەت دەكەم.
ئومێدەوارم ئەم مانگە پیرۆزە؛ ببێتە فاکتەری ئارامی و ئاوەدانی بۆ گەلەکەمان، و ببێتە مایەی تەبایی و خۆشەویستی و لێبوردەیی نێوان سەرجەم ئاین و پێكهاتە جیاکان.
دووبارە مانگی رەمەزان لە هەموو لایەك پیرۆزبێت