رۆدری هاندەرانی مان سیتی سەرسام دەکات!

رۆدری هاندەرانی مان سیتی سەرسام دەکات!
ئاکۆ بیبانى

 رۆدرى ئیسپانى و ئەندازیار و داینەمۆ و مامۆستا و مایسترۆ و  ئاوازدانەرى نۆتەکانى مانسیتى کاتێک لەنێو یاریگادا بوو لەگەڵ هاوڕێکانى یەکێک بوون لەبەهێزترین تیپەکانى تۆپى پێى جیهان و بوونە پاڵەوانى چامپیۆنزلیگ و لە پرێمەرلیگش پاڵەوانى چەند بارە بوون !  لەگەڵ دوورکەوتنەوەى لە تیپەکەى  گواردیۆلا و دووچارى بوونی بە پێکانێکى قورس لە ئەژنۆیدا و دواتر بۆ ماوەیەکى زۆر دوورکەوتنەوەى لە یاریگا ، بۆشاییەکى گەورەى لە ریزى یانەکە جێهێشت و ئیدى هیچ یاریزانێک نەما هێڵەکانى بەرگرى و ناوەند پێکەوە گرێبدات ، هیچ ئەندازیارییەک نەما هەلى گۆڵى ناوازە بونیاد بنێت، پادشا گەردانى دروست بوو .
مان سیتى لە تیپێکى زلهێزەوە بوو بە تیپێکى ئاسایی ، چیتر یانە ترسناک و بەهێز و خێرا و لێهاتوەکەى جاران نیە ، ئێستا لە دەرەوەى رکابەرییەکانى چامپیۆنزلیگە و لە خولى یانەکانى ئینگلتەراش دوورە لە رکابەرى و ململانێ ، ئەمە جگە لەوەى جامى یانە پیشەگەرەکانى ئینگتەراش دەرکراوە .
دوای ئەوەى لە مانگى نۆ ، رۆدرى لە یارى نێوان ئارسێناڵ و مان سیتى دووچاری پێکان قورس و دژوار هات ، هەر ئەو کات باس لەوەکرا ، ئەم وەرزە بۆ یاریزانە ئیسپانییەکە کۆتایی هاتوە و پێویستە نەشتەرگەری قورسى لە ئەژنۆى بۆبکرێت ئەویش بەهۆى پچرانى بەستەرەکانى ئەژنۆیەوە ، بەڵام دوور لە چاوەڕوانیەکان  و بەخێراتر لەوەى چاوەڕوان دەکرا رۆدری هاندەران و ئیدارەى شۆک کردوەو بەرەو پێشچوونى گەورە لە دۆخى تەندروستى ئەستێرە ئیسپانیەکە دروست بووە ، مان سیتیش گرتەیەکى فیدیۆى رۆدرى بڵاوکردۆتەوە کە دەستى بەمەشق و راهێنانە تاکە کەسییەکان کردۆتەوە و تواناى جەستەیشی زۆر بەهێزە ، ئەمە وایکردوە دووبارە گواردیۆلا و مان سیتى خەندە بگەڕێتەوە بۆ سەر لێواکانیان و بە فریاد رەشى ئەم دۆخە چەقبەستوەى یانەکەى دەزانن بۆ ئەوەى بگەڕێنەوە بۆ رێچکەى بردنەوەکان .