دوای مانگێک دانیشتنەکانی نوێنەران دەستپێدەکاتەوە

دوای زیاتر لە مانگێک بڕیارە شه‌ممه‌ی داهاتوو، ئەنجومەنی نوێنەرانی عێراق بۆ ده‌نگدان و خوێندنەوەی چه‌ند پڕۆژه‌یاسایه‌ك دابنیشێت.

د. بڕیار رەشید ئەندامی فراکسیۆنی یەکێتی لە ئەنجوومەنی نوێنەرانی عیراق راگەیاند ئەو پرۆژەیاسایەی ناکۆکی فراکسیۆنە شیعەکانی لە کارنامەکەدا نییە و بڕیارە شەممە دانیشتنەکانی پەرلەمان دوای مانگێک دەستپیدەکاتەوە.

وتیشی: هۆکاری دانەنیشتنی پەرلەمان بۆ ناکۆکی فراکسیۆنە شیعەکان دەگەڕێتەوە کەلەسەر پرۆژەیاسایەکی تایبەت بە خۆیان رێکنەدەکەوتن.

به‌پێی خشته‌ی كۆبوونه‌وه‌كه‌ بڕیاره‌ ده‌نگ له‌سه‌ر پرۆژه‌یاسای هه‌مواری چواره‌می په‌ره‌پێدانی پیشه‌سازیی كه‌رتی تایبه‌ت بدرێت و پاشان خوێندنه‌وه‌ی یه‌كه‌م بۆ پرۆژه‌یاسای هه‌مواركراوی دووه‌می یاسای موختاره‌كانیش ده‌كرێت.

هەروەها بڕیاره‌ هه‌ر له‌ كۆبوونه‌وه‌كه‌دا گفتوگۆ له‌سه‌ر راپۆرتی پڕۆژه‌یاسای پێشنیاركراوی هه‌مواری چواره‌می یاسای ده‌رچوانی به‌شه‌ پزیشكییه‌كان و چه‌ند پڕۆژه‌یاسایه‌كی تر بکرێت.