مەكتەبی سیاسی یەكێتیی نیشتمانیی كوردستان به بۆنه‌ی نه‌ورۆزو ساڵی نوێی كوردی یادی 34 ساڵه‌ی سه‌ركه‌وتنی راپه‌ڕین و رزگاركردنی كه‌ركوكی قودسی كوردستان پیرۆزباییه‌كی بڵاوكرده‌وه‌و رایگه‌یاندووه:" نەورۆز جەژنێكی دێرینی نوێبوونەوەی سروشتە و لەناو گەلی كوردیشدا رەمزی تێكۆشانی نەتەوەیی و بەرەنگاربوونەوەیە."
هیواداریشه لەم بۆنە نەتەوەییەدا:" هەموان بە ڕۆحێكی كوردانەوە یەكدەنگ و یەكریزبین بۆ پاراستنی بەرژەوەندییە باڵاكانی نەتەوەكەمان"
ده‌قی پیرۆزباییه‌كه ..
پیرۆزبایی مەكتەبی سیاسی بۆ نەورۆز و راپەڕینی كەركوك
بە بۆنەی نەورۆز و ساڵی نوێی كوردییەوە كە هاوكاتە لەگەل یادی ۳٤ ساڵەی سەركەوتنی راپەرین و رزگاركردنی شاری كەركوكی قودسی کوردستاندا پیرۆزباییەكی گەرم لە كۆمەڵانی خەڵكی كوردستان و نەتەوەی کورد لەسەرتاسەری جیهاندا دەکەین.
لە مێژووی گەلانی نەورۆزخوازدا نەورۆز جەژنێكی دێرینی نوێبوونەوەی سروشتە و لەناو گەلی كوردیشدا رەمزی تێكۆشانی نەتەوەیی و بەرەنگاربوونەوەیە.
هیوادارین لەم بۆنە نەتەوەییەدا هەموان بە ڕۆحێكی كوردانەوە یەكدەنگ و یەكریزبین بۆ پاراستنی بەرژەوەندییە باڵاكانی نەتەوەكەمان و پێکهێنانی حکومەتێکی کاراو خزمەتگوزار لە خزمەتی ژیان و گوزەرانی خەڵکەکەمان.
نەورۆزتان پیرۆز و بەهاری رزگاری یەکجارەکیتان بێتە دی
مەكتەبی سیاسی
یەكێتیی نیشتمانیی كوردستان
Copyright © 2020 Kirkuk Tv All Rights Reserved Designed And Developed By AVESTA GROUP