هێزی ده‌ریاوانی عێراق دەستبەسەر کەشتیەکدا ده‌گرێت

هێزی ده‌ریاوانی عێراق ده‌سبه‌سه‌رداگرتنی كه‌شتییه‌كی نه‌ناسراوی له‌ ئاوه‌ ئیقلیمییه‌كانی عێراق له‌ كه‌نداودا راگه‌یاند كه‌ گومانی به‌قاچاخبردنی نه‌وتی لێده‌كرێت.
    
له‌ راگه‌یه‌ندراوێكی هێزه‌كانی ده‌ریاوانیی عێراقدا ئاماژه‌ بۆئه‌وه‌كراوه‌:" هێزێكی پیادەی دەریاوانیی، دەستیبەسەر کەشتییەکی نەناسراو دا گرتووە، کە گومانده‌كرێت نەوتی قاچاخی باركردبێت."
 
باسی له‌وه‌شكردووه‌ :" ئەو هێزە ئەرکی پاراستنی بەندەری نەوتی بەسرە و سەکۆی نەوتییە، لەسەر بنەمای زانیاریی هەواڵگریی، بەهۆی گومانی چالاکیی نایاسایی لە ئاوەکانی عێراق ئۆپەراسیۆنەکەیان کردووە."

ئه‌وه‌شیخستووه‌ڕو كه‌:"لە ئۆپەراسیۆنەکەدا دەست بەسەر کەشتییەکەدا گیراوە، کە کاپتنەکەی ئێرانی بووە لەگەڵ تیمێکی هەشت کەسی کە دوویان عێراقی و ئەوانی دیکەش هیندی بوون، هەمووشیان دەستگیر کراون، به‌هۆی ئه‌وه‌ی بەبێ ڕێگە پێدانی فەرمی هاتوونەتە ئاوەکانی عێراق و گومانی قاچاخی نەوتیان لێدەکرێت".

هه‌ر به‌پێی راگه‌یه‌ندراوه‌كه‌:"کەشتییەکە گواستراوەته‌وه‌ بۆ شوێنی بنکەی دەریایی ئوم قەسر، تیمەکەش بەپێی ڕێکارە یاسیاییەکان ڕادەستی بنکەی پۆلیسی ئوم قەسر کراون".