وەزارەتی دەرەوەی تورکیا رایگه‌یاند، شەوی رابردوو کەسانێكی نەناسراو بە ماتۆڕسکیلێک تەقەیان لە کونسوڵخانەی گشتیی عێراق لە ئیستەنبوڵ کردووەو هێزه‌ئه‌منییه‌كان ده‌ستیان به لێكۆڵینه‌وه له رووداوه‌كه كردووه.
ئۆنجو کەچالی وته‌بێژی وه‌زاره‌تی ده‌ره‌وه‌ی توركیا لە راگه‌یه‌ندراوێکدا ده‌ڵێت:" هێرشه‌كه‌ی سه‌ر كونسڵخانه‌ی گشتیی عێراق له ئیسته‌نبوڵ هیچ بریندارو زیانی ماددی لێنەکەوتۆتەوە."
راشیگه‌یاندووه:"، هێزە ئەمنییەکانی وڵاته‌كه بە وردی لێکۆڵینەوەی پێویست له‌و هێرشه‌ده‌كه‌ن و هەوڵەکانش بەردەوامن بۆ دەستنیشانکردنی تاوانباران و راپێچكردنیان بۆ دادگا."
باسی له‌وه‌شكرد كه:" لەپەیوەندی بەردەوامدان لەگەڵ دەسەڵاتدارانی عێراق سەبارەت بە روداوەکە، دەسەڵاتدارانی تورکیا هەموو رێوشوێنێکی پێویست ده‌گرنه‌به‌ر بۆ دڵنیابوون لە ئاسایشی نوێنەرایەتی دیپلۆماسی عێراق لە ئەنكەرەو ئیستەنبوڵ و غازی عەنتاب."
شەوی رابردوو، وەزارەتی دەرەوەی عێراق رایگەیاند، کونسوڵخانەی عێراق لە ئەستەنبوڵ لە تورکیا روبەڕوی هێرشی چەکداری بووەتەوەو تەقە لە باڵەخانەی کونسوڵخانەکە کراوە.
Copyright © 2020 Kirkuk Tv All Rights Reserved Designed And Developed By AVESTA GROUP