زیندانی چەمچەماڵ دوای 10 ساڵ لە داخستنی دەکرێتەوە

دوای داخستنی بۆ ماوەی 10 ساڵ، زیندانی چەمچەماڵ لەلایەن وەزارەتی دادی عێراقەوە نۆژەنکرایەوە و بڕیارە لە مانگی داهاتوودا سەرلەنوێ بکرێتەوە.
موراد ساعدی، بەڕێوەبەریی راگەیاندنی وەزارەتی دادی عێراق رایگەیاند، دوای تەواوکردنی کارەکانی نۆژەنکردنەوە و تەواوکردنی ئامادەکارییەکانی، بڕیارە لە مانگی داهاتوودا زیندانی چەمچەماڵ بکرێتەوە.
ئاماژەی بەوەشدا، ماوەی 10 ساڵە زیندانەکە بەهۆی کەموکوڕییەوە داخراوە، هەربۆیە پلانی نۆژەنکردنەوەی لەلایەن وەزارەتی دادەوە لە چوارچێوەی پێوەرە نێودەوڵەتییەکانی مافی مرۆڤ و یاسا جیهانییەکاندا داڕێژرا، بە ئامانجی کەمکردنەوەی قەرەباڵغی زیندانەکە و باشترکردنی کوالێتیی و بەڕێوەبردنی.
ئەوەشی خستەڕوو، زیندانەکە تایبەت دەبێت بەوانەی لە پارێزگاکانی کەرکوک و نەینەوا و سەڵاحەدینەوە سزا دراون و بەرەو زیندانی چەمچەماڵ دەگوازرێنەوە.