ئاماری هاوسەرگیریی و جیابوونەوەی مانگی شوبات بڵاودەکرێتەوە

ئاماری هاوسەرگیریی و جیابوونەوەی مانگی شوبات لە عیراق بڵاوکرایەوە و لە بەغداد زۆرترین هاوسەرگیریی و جیابوونەوە تۆمارکراون.

ئەنجوومەنی دادوەریی عێراق ئاماری هاوسەرگیریی و جیابوونەوەکانی مانگی شوباتی ئەمساڵی بڵاوکردەوە و رایگەیاند، 31 هەزار و 411 هاوسەرگیریی و شەش هەزار و 392 جیابوونەوە تۆمارکراون.

بە گوێرەی بەیاننامەکەی ئەنجوومەنی دادوەریی، بەغدادی پایتەخت لە ریزبەندی یەکەمی هاوسەرگیریی و جیابوونەوەکاندایە و تەنیا لە دادگای رەسافە پێنج هەزار حاڵەتی هاوسەرگیریی تۆمارکراوە و لەگەڵ ئەوەشدا زۆرترین تەڵاقی تێدا تۆمارکراوە، بەجۆرێک لە هەموو پارێزگاکانی تر زیاترە.

ئامارەکەی ئەنجوومەنی دادوەریی ئاماژەی بەوەکردووە، لە مانگی شوباتی ئەمساڵدا رۆژانە لە عێراق زیاتر لە 228 تەڵاق تۆمارکراون، لەبەرامبەردا زیاتر لە هەزار و 121 هاوسەرگیریی تۆمارکراوە.