وەزیری نەوتی عیراق: هیچ دەسەڵاتێکمان بەسەر پڕۆسەی بەرهەمهێنانی نەوتی هەرێمی کوردستانەوە نییە

کوردستان
13:53 - 2025-03-24

وەزیری نەوتی عێراق، بڕی پارەی تەرخانکراو بۆ بەرهەمهێنانی نەوتی هەرێمی کوردستان ئاشکرادەکات و راشیدەگەیەنێت وەزارەتەکەیان هیچ دەسەڵاتێکی بەسەر پڕۆسەی بەرهەمهێنانی نەوتی هەرێم نیە.
حەیان عەبدولغەنی وەزیری نەوتی عێراق ڕایگەیاند، لە بودجەدا 16 دۆلار بۆ بەرهەمهێنانی هەر بەرمیلێکی نەوت لە هەرێم تەرخانکراوە و پێشبینی دەکرێت 350 بەرمیل نەوت ڕۆژانە لە بەندەری جەیهانەوە هەناردە بکرێت.
ئاماژەی بەوەشکرد: ڕێکخراوی ئۆپیک ئاگاداری کردونەتەوە لەوەی لە ئێستادا هەرێم ڕۆژانە 286 هەزار بەرمیل بەرهەم دەهێنێت،  وتیشی: وەزارەتەکەیان هیچ دەسەڵاتێکی بەسەر پڕۆسەی بەرهەمهێنانی نەوتی هەرێم نیە.
باسی لەوەشکرد، عێراق ڕۆژانە بڕی 3.2 بۆ 3.5 ملیۆن بەرمیل نەوت هەناردە دەکات و %70ی نەوتی عێراق عێراق بۆ بازاڕەکانی ئاسیا هەناردە دەکرێت و چین لە پلەی یەکەم و دوای ئەوە هیندستان دێت، لە ئێستاشدا تاتوێی هەناردەکردنی نەوت بۆ بازاڕەکانی ئەفریقا دەکەین.

بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP