بۆردی راگەیاندنی یەكێتی: لەمەودوا هەواڵەكانی كوشتن و توندوتیژی بڵاوناكرێتەوە و رادەگیرێت

بۆ زیاتر تەشەنەنەکردنی حاڵەتەکان، بۆردی راگەیاندنی یەكێتی بڵاوکردنەوەی هەواڵی کوشتن و توندوتیژی قەدەغە دەکات.
 بۆردی راگەیاندنی (ی.ن.ک) راگەیەندراوێكدا بڵاویكردووەتەوە بە رۆحیەتێكی بەرپرسیارانەوە بڕیار دەدەین هەواڵەكانی كوشتن و توندوتیژی بڵاونەكەینەوە و رایبگرین.
لە راگەیەندراوەکەدا بۆردی راگەیەناندنی یەکێتی دەڵێت چیتر ئەو هەواڵانەی باسی مەرگ و كوشتنی هاوڵاتییان لە كوردستان دەكات و خەریكە دەبێتە دیاردەیەكی مەترسیدار رووماڵ ناکەین و بەدوایدا ناچین.
راشیگەیاند، لە سەرجەم كەناڵە میدیایەكانی سەر بە بۆردەکە بۆ ماوەیەكی دیاریكراو بڵاوكردنەوەی هەواڵی كوشتن رادەگرین، چونكە جگە لەوەی كاریگەریی نەرێنی دەكاتە سەر دەروونی تاكەكانی كۆمەڵگە، دەبێتە هۆی چاولێكردن و لاسایكردنەوە. بەمەش رێژەی كوشتن و توندوتیژیی خێزانی روو لە هەڵكشان دەبێت.