كۆمسیۆنی باڵای سەربەخۆی هەڵبژاردنەكانی عیراق :نوێكردنەوەی تۆماری دەنگدەران دەستپێدەكات

دەستەی كۆمسیارانی كۆمسیۆنی باڵای سەربەخۆی هەڵبژاردنەكانی عیراق بڕ‌یاریدا، لە سبەینێوە دەست بەنوێكردنەوەی تۆماری دەنگدەران بكاتەوە و ماوەی یەك مانگ بەردەوام بێت.
لەوبارەیەوە جومانە غەلای وتەبێژی كۆمسیۆنی باڵای سەربەخۆی هەڵبژاردنەكانی عیراق رایگەیاند: پڕۆسەی نوێكردنەوەی تۆماری دەنگدەران لەسبەینێوە دەستپێدەكات و مانگێك بەردەوام دەبێت، پڕۆسەی نوێكردنەوەكە تۆماركردنی یەكەمجار، زیادكردن، چاككردنەوە، گۆڕ‌انكاریی، سڕ‌ینەوە، تۆماركردنی ئاوارەكان، هەروەها تۆماركردنی هێزە ئەمنییەكان دەگرێتەوە، بۆ ئەمەش لەسەرجەم عیراق 10 هەزار و 79 ناوەندی تۆمار دەكرێنەوە.
جومانە غەلایی وتیشی گۆڕ‌انكاری لەپارێزگایەكەوە بۆ پارێزگارییەكی دیكە لەرێگەی قائیمقامیەتەوە ر‌ێگەپێدراوە، جگە لەچوار قائیمقامیەت كە گۆڕ‌ین و گواستنەوەیان تێدا رێگەپێنەدراوە، كە بریتین لە نەینەوا، ئەنبار، سەڵاحەدین و كەركوكن لەگەڵ ئەوەشدا ئەو دەنگدەرەی پێش 12/9/2013 كارتی بەشەخۆراكی هەیە، مافی ئەوەی هەیە بەپێی كارتی بەشەخۆراك ناوەندی تۆمارەكەی بگۆڕ‌ێت، بەڵام ئەگەر كارتی بەشەخۆراكییەكەی دوای ئەم بەروارە بێت، ئەوا مافی گۆڕ‌انكاریی نییە.